Ракометарите на РК Пелистер се пласираа во следната фаза од Челинџ купот, елиминирајќи го босанскиот преставник Вогошча.

Откако минатата недела загубија во Битола со 21:23, повеќето ги отпишаа битолчани. Но, вечерва тие покажаа дека ништо не беше готово во Битола и дека се квалитетна екипа, која успеа на гостувањето во Босна да победи со 25:28, доволно за да одат понатаму.

Избраниците на Касим Каменица одиграа одличен натпревар и заслужено се враќаат во Битола со полн плен. Иако на полувремето губеа минимално со 16:14, се вратија во натпреварот и со пресврт во второто полувреме стигнаа до посакуваниот триумф од три погодоци.

Најефикасни на натпреварот беа Маџовски со 6 и Везенковски со 4 постигнати погодоци.

МакРакомет им го честита овој успех и им посакува да продолжат да не радуваат понатака!